ការប្រារព្ធពីធីបុណ្យសមុទ្រនៅខេត្តព្រះសីហនុ

ជារៀងរាល់ឆ្នាំគេតែងតែប្រារព្ធពិធីបុណ្យឆ្លងឆ្នាំជារៀងរាល់ឆ្នាំដែលជាទូទៅគេប្រារព្ធធ្វើ នៅរៀងរាល់ថ្ងៃទី៣១  ខែមករាឆ្នាំ២០១១។
យ៉ាងណាមិញនៅឆ្នាំនេះនឹងមានការប្រារព្ធពិធីបុណ្យ ដូចរៀងរាល់ឆ្នាំប៉ុន្តែមានការ ចូលរួមយ៉ាងច្រើនពីបណ្ដាប្រទេសនានាដែលមាន២២ប្រទេស នឹងមានការចូលរួមដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោហ៊ុន  សែន ជានាយករដ្ឋមន្ត្រីនៃប្រទេសកម្ពុជា។ ហើយគេសង្ឃឹមថានឹងមានភាពសប្បាយរីករាយយ៉ាងខ្លាំង ក្នុងឆ្នាំនេះ។

សាលាដុនបូស្កូខេត្តកែប

          សាលាដុនបុស្កូខេត្តកែបត្រូវបានបង្កើតឡើង ក្នុងគោលបំណងចង់ជួយ ទៅដល់យុវជនក្រីក្រ។សាលាដុនបូស្កូខេត្តកែបមានទីតាំងស្ថិតនៅ ភូមិជ្រៃធំ ឃុំជ្រៃធំ ខេត្តកែប។សាលានេះមានផ្ទៃដី២ហិចតា និងមានអគារចំនួន៣ខ្នង និងមានសមុទ្រនៅជាប់សាលា ដែលជាទីមនោរម្យបំផុតសំរាប់ ភ្ញៀវទេសចរណ៍ហើយនៅពេលខាងមុននេះ សាលាក៏មានគំរោង សាងសង់សាលាសណ្ឋាគារ និង សាលាបច្ចេកទេសទៀតផង។ហើយនៅសាលាដុនបូស្កូខេត្តកែបក៏មានបើកបង្រៀនសិស្ស ខាងផ្នែកកាត់ដេរ(សិស្សស្រី)ហើយនៅខែតុលា ខាងមុននេះសាលាក៏ត្រៀមទទួលសិស្សផ្នែកទំនាក់ទំនងសង្គម អោយធ្វើការចូលរៀននៅថ្ងៃទី១២ ខែតុលា ឆ្នាំ២០១១ ខាងមុខនេះផងដែរ។សំរាប់ប្អូនៗដែលមានបំណងចង់មកសិក្សា នៅសាលាបច្ចេកទេសដុនបូស្កូខេត្តកែប សូមមកដាក់ពាក្យប្រលង នៅសាលាបច្ចេកទេសដុនបូស្កូខេត្តព្រះសីហនុ ដែលមានកាលបរិច្ឆេតដូចតទៅ៖

1. ត្រូវមកដាក់ពាក្យនិងសំភាសនៅថ្ងៃទី១៥​ ដល់ ថ្ងៃទី១៨ខែសីហា ឆ្នាំ២០១១
2. ហើយត្រូវធ្វើការប្រលងនៅថ្ងៃទី១៩ខែសីហាឆ្នាំ២០១១។សំរាប់លទ្ធផលប្រលងសាលានិង បញ្ជាក់នៅពេលក្រោយទៀត។

ចំពោះលក្ខខណ្ឌ័របស់បេក្ខាជនបេក្ខានារី ដែលត្រូវមកដាក់ពាក់ប្រលងមានដូចជា៖

1. ត្រូវមកជាមួយឪពុកម្ដាយ រឺអាណាព្យាបាល
2. ត្រូវប្រលងជាប់រឺធ្លាក់បាក់ឌុប
3. ត្រូនាំមកនូវជាមួយរូបថត​ ៤​ X ៦ ចំនួន៤សន្លឹកនិងសំបុត្រកំណើត និង សៀវភៅគ្រួសារ។
4. ពិតជាមានភាពក្រីក្រលំបាកពិតប្រាកដមែន។

អាស័យដ្ឋានរបស់សាលាបច្ចេកទេសដុនបូស្កូខេត្តព្រះសីហនុមានទីតាំងស្ថិតនៅមណ្ឌល៥ សង្កាត់ ៤ ខេត្តព្រះសីហនុ រឺទំនាក់ទំនងតាមទូរសព័្ទលេខ ០៣៤ ៩៣៣ ៧៦៤។

គួរបញ្ជាក់ផងដែរថា សព្វថ្ងៃនេះសាលាដុន មានទីតាំងចំនួន ៥កន្លែង នៅក្នុងប្រទេសកម្ពុជា។ដែលមានដូចជា សាលាដុនបូស្កូនៅខេត្ត បន្ទាយមានជ័យ សាលាដុនបូស្កូនៅខេត្តនៅ ខេត្តបាត់ដំបង សាលាដុនបូស្កូនៅ ភ្នំពេញ សាលាដុនបូស្កូនៅខេត្ត ព្រះសីហនុ និងសាលាដុនបូស្កូនៅខេត្តកែប។

សកម្មភាពជាសកលដើម្បីសុខភាព និងសហគមន៍គ្មានគ្រឿងញៀន

        នៅថ្ងៃពុធ ទី២៩ ខែមិថុនាឆ្នាំ២០១១ វេលាម៉ោង៨:៣០នាទី ព្រឹកមិញនេះមានការបើកអង្គមេទេញ មួយដែលស្ដីអំពី សកម្មភាពជាសកលដើម្បីសុខភាពនឹង សហគមន៍ គ្មានគ្រឿងញៀន​ ដែលកម្មវិធីនេះបានប្រព្រឹត្តិទៅនូវ មុខវិមានឯករាជក្នុងខេត្តព្រះសីហនុដែលរៀបចំធ្វើឡើងដោយ អង្គការម្លប់តាប៉ាងដែលផ្ដោតសំខាន់់ទៅលើ ផលវិបាកនៃ ការប្រើប្រាស់ គ្រឿងញៀន​ និងកិច្ចការពារខ្លួន ពីការប្រើប្រាស់ គ្រឿងញៀន។គួរបញ្ជាក់ផងដែរថាអង្គការម្លប់តាប៉ាងគឺជាអង្គការ មួយដែលជួយដល់ក្មេងកំព្រា គ្មានទីពឹង។ដែលនៅក្នុងនោះ មានផ្ញៀវកិត្តិយសជាច្រើនចូលរួម ដូចជា

ឯកឧត្តម ស្បោង សារ៉ាត់ អភិបាលខេត្តព្រះសីហនុ និងជាអគ្គប្រធានត្រួតពិនិត្យគ្រឿងញៀន។

ឯកឧត្តម មាស ណារិទ្ធ អគ្គលេខាធិការរងត្រួ ពិនិត្យគ្រឿង ញៀនលោក ជំទាវ ប្រាក់ ចន្ទ័សុខា ជាអភិបាលរងខេត្តព្រះសីហនុ

លោក តាក់ វ៉ាន់ថា​ ឧត្តមសេនីខេត្តព្រះសីហនុ​ និង លោកគ្រូអ្នកគ្រូ សិស្សនុសិស្ស និងមន្ត្រីរាជការ​ នគរបាលប្រមាណជា៩៣៣នាក់។ ដែលមានកម្មវិធីដូចតទៅ​ ៖

• កម្មវិធីទី១ ៖ គោរពទង់ជាតិ
• កម្មវិធីទី២ ៖ ការច្រៀងចំរៀងរបស់សិស្សានុសិស្ស ​ នៃសាលាបឋម សិក្សាជាស៊ីម
• កម្មវិធីទី៣ ៖ ការថ្លែងមតិរបស់លោកជំទាវ ប្រាក់ ចន្ទ័សុខា
• កម្មវិធីទ៤  ៖ ការថ្លែងរបស់ឯកឧត្តម មាស ណារិទ្ធ
• កម្មវិធីទី៥ ៖ ការថ្លែងរបស់លោក តាក់ វ៉ាន់ថា
• កម្មវិធីទី៦ ៖​ ការច្រៀងចំរៀងរួមគ្នារបស់ យុវជនផ្ដាច់គ្រឿងញៀន
• កម្មវិធីទី៧ ៖ ការសូត្រកំណាព្យ របស់ម្តាយរបស់យុវជនដែលប្រើប្រាស់គ្រឿងញៀន
• កម្មវិធីទី៨​ ៖ មតិរបស់កុមារម្លប់តាប៉ាងដែលជាអតីតអ្នកប្រើប្រាស់គ្រឿងញៀន
• កម្មវិធីទី៩ ៖ មតិរបស់ឯកឧត្តម ស្បោង សារ៉ាត់។ហើយឯកឧត្តមបាន ឧបត្ថម្ភថវិការប្រមាណជា ៦លានរៀលទៅដល់សិស្សានុសិស្សនិងមន្ត្រីរាជការ ហើយដែលក្នុងការប្រើក្នុងការជួយដល់យុវជនដែលបានប្រើប្រាស់គ្រឿងញៀនផងដែរ លុះដល់ម់ោង ១០:០០ នាទីបានប្រកាសបិទកម្មវិធី។

ផលប៉ះពាល់នៃទូរស័ព្ទ

ទូរសព័្ទដៃបានក្លាយជាគ្រឿងទំនាកទំនងមួយយ៉ាងសំខាន់ នៅក្នុងសម័យបច្ចេកវិទ្យាសព្វថ្ងៃ។នៅក្នុងប្រទេសទាំងអស់ ដូចជាប្រទេសកម្ពុជាជាដើម វាមិនមែនជារបស់ឆើតឆាយទេ ប៉ុន្តែវាមានភាពពេញនិយមក្នុងការទំនាក់ទំនងដែលអាចទៅ ដល់តំបន់ផ្សេងៗគ្នា។វាមានភាពងាយស្រួលជាង ការដាក់ខ្សែដើម្បីដាក់ទៅដល់ខេត្តដែលមានភាពក្រីក្របំផុត តំបន់ដែលមានព្រៃ និងកោះជាដើម។ ទូរសព្ទ័ដៃ បានក្លាជាឧបករណ៍ដ៏ពេញនិយម នៅកម្ពុជាបន្ទាប់ពីសង្គ្រាមដែល បានអភិវឌ្ឍពីទូរសព្ទ័លើតុ គឺតាមប្រតិបត្តិ បានកំណត់ហើយ ប្រជាជនកម្ពុជាភាគច្រើនមិនបានប្រើវាទេ។ ប៉ុន្តែឥលូវនេះ យើងទាំងអស់់គ្នាគួរតែការពារ អង្គការសុខភាពពិភពលោក បានប្រាប់អោយដឹងថាទូរសព្ទ័ដៃ អាចបង្ករអោយមានជំងឺមហារីក នៅមិនមានការព្រួយបារម្មណ៍ ពីបញ្ហានេះនៅឡើយ ប៉ុន្តែការរកឃើញនេះជាការរកឃើញរបស់មជ្ឈមណ្ឌល WHO’s media។តាមពិត ទូរសព្ទ័ដៃគឺជាគ្រឿងបញ្ជូនសារតាមរលកធាតុអាកាសហើយឥទ្ធិពលរបស់វាអាចជ្រាបចូទៅក្នុង រាងកាយរបស់មនុស្សតាមរយះស្បែក។ ការព្រមព្រៀងទៅកាន់WHO វាជាលទ្ធផលនៅក្នុងកំរិតសីតណ្ហភាពខ្ពស់នៅក្នុងខួរក្បាលនិង ផ្នែកផ្សេងៗទៀតនៃរាងកាយ។ការប្រើប្រាស់ទូរស័ព្ទវាមិនត្រឹមតែប៉ពាល់ដល់សុខភាពប៉ុណ្ណោះទេ វាអាចបង្ករអោយយើងស្លាប់ដោយជាយថាហេតុដោយសារការរន្ទះបាញ់ និងការ និងបញ្ហាផ្សេងៗទៀតជាច្រើន។នៅពេលបច្ចុប្បន្ននេះមានប្រជាជនយើងមួយចំនួន បានស្លាប់ដោយសាររន្ទះបាញ់។ ដំណើរការទូរសព្ទ័ដៃគឺជាផ្នៃកមួយយ៉ាងសកម្មនៅក្នុងជីវិត សមល្មមទៅនឹងអ្នកវិទ្យាសាស្ត្រខាងផ្នែកសុខភាពដើម្បីបញ្ជាក់ពីឥទ្ធិពលរបស់វាចំពោះមនុស្ស​ ពុំទាន់មានរបាយការណ៍ច្បាស់លាស់ពីរឿងនេះណៅឡើយគ្មានសេចក្ដីរាយការណ៍ថាមាន មនុស្សណា ម្នាក់បានស្លាប់ដោយសារការប្រើទូរសព្ទ័ដៃនៅឡើយ​ ប៉ុន្តែតាមការសិក្សាច្បាស់មួយបានអោយដឹងថា កំលាំងនៃទូរសព្ទ័ដៃបានជះឥទ្ធិពលដល់ ខួរក្បាលតាមប្រពន្ធ័អេឡិចត្រូនិច​ មុខងារដែលយើងស្គាល់ ការដេក ជំងឺបេះដូង និងសំពោធឈាមឡើងខ្ពស់ជាដើមុ។ទាំងនេះជាការពិតដែលទូរសព្ទ័ដៃមួយដ៏តូចអាចមានថាមពល ខ្លាំងយ៉ាយនេះ(ដែលមានកំរិតប្រេកងពីចន្លោះ450ទៅ2700មេកាហើត)។

ចំនុចមួយទៀតនោះទូរសព្ទ័ដៃបានក្លាយជាវត្ថុមួយដ៏ពេញនិយមបន្ទាប់ពីទសវត្សទី90មកម្លេះ បន្ទាប់មកវាបានបញ្ចប់ទៅវិញនូវរយះពេលដ៏ខ្លីដែលធ្វើអោយមានរោគមហារីក ដោយការប្រើប្រាស់ទូរសព្ទ័ដៃដូចទៅនឹងអ្វីដែលអ្នកវិទ្យាសាស្ត្របាននិយាយ។

ជំងឺមហារីកនេះអាចបង្កឡើងដោយការប្រើប្រាស់ប្រពន្ធ័រលកធាតុអាកាសក្នុងរយះពេលយូរ។ ថ្មីៗនេះអ្នកវិទ្យាសាស្ត្របានកំពុងសិក្សាពីផលប៉ះពាល់នៃការប្រើប្រាស់ទូរសព្ទ័ចំពោះកុមារ និងមនុស្សវ័យក្មេងដែលបានប្រើប្រាស់ទូរសព្ទ័ដៃ សូម្បីតែការខិតខំស្វែងរកនៅតែបន្ត ដើម្បីបញ្ជាក់ថា ការប្រើប្រាស់ទូរសព្ទ័អាចប៉ះពាល់ដល់សុខភាព អ្នកជំនាញបានមានអនុសាសន៍ អំពីការប្រើអាកប្បិកិរិយាក្នុងការការពារសុខភាពខ្លះៗ ឧទាហរណ៍៖ប្រសិនបើអ្នកប្រើទូរសព្ទ័ដៃវាអាចប៉ះពាល់ដល់ត្រជៀករបស់អ្នក។ អ្នកជំនាញបានបន្តទៀតថា​នៅពេលនិយាយទូរសព្ទ័អ្នកគួរតែដាក់វានៅចន្លោះពី 30 ទៅ 40​សង់ទីម៉ែតពីខ្លួនអ្នកបន្ទាប់មកប្រើ កាសជំនួយដើម្បីមានផលល្អដល់សុខភាពរបស់អ្នក ។ការប្រើទូរសព្ទ័ម្យ៉ាងទៀតដែលមានភាពវិជ្ជាមានចំពោះសុខភាពគឺការផ្ញើសារ​ ការប្រើប្រាស់អ៊ីនធើណែត និង ការបើកសំលេងលឺៗខ្លាំង នៅពេលនិយាយ មានន័យថាទូរសព្ទ័ស្ថិតនៅឆ្ងាយពីខ្លួនរបស់អ្នក ហើយទូរសព្ទ័នោះមានឥទ្ធិពលតិចតួចនៅក្នុមុខងារ ទាំងនោះ​។ការបញ្ចេញត្រូវបានកំណត់ ផងដែរដោយរយះពេលនែការcall ហើយទូរសព្ទ័បញ្ចេញការសាយភាយ អាក្រក់នូវបរិមាណច្រើនជាង នៅពេលដែលយើង នៅឆ្ងាយពីអង់តែន។ ប្រសិនបើអ្នកស្ថិតនៅតំបន់ដែលដាច់ស្រយាល ដែលមានសេវាទូរសព័្ទខ្សោយជាង ទូរសព្ទ័របស់អ្នកនឹងបន្ថែមថាមពល របស់វាទៅតាមកំរិតដើម្បីទទួលបានសេវា។ វាគឺជាមូលហេតុដែល ត្រូវបានហាមឃាត់មិនអោយប្រើប្រាស់ទូរសពួ័នៅក្នុងមន្ទីរពេទ្យ និងនៅលើយន្ដហោះ ពីព្រោះរលកអាកាសរបស់វាអាចបង្អក់គ្រឿងអេឡិចត្រូនិច និងប្រពន្ធ័នាវាចរណ៍។ដូច្នេះឥទ្ធិពលនៃទូរសព្ទ័គឺមិនមានតិចតួចឡើយ។ដូចនេះមុនពេលយើង ប្រើប្រាស់ទូរសព្ទ័យើងគួរតែគិតពីសុខភាពរបស់យើងផងព្រោះ ទូរស័ព្ទមានអត្ថប្រយោជន៏ចំពោះយើងហើយក៏មានផលវិបាកដល់យើងផងដែរ។

ដំណើរទស្សនកិច្ចរបស់សិស្សផ្នែកទំនាកទំនងសង្គម

កាលពីថ្ងៃរព្រហស្តិ៍​ ទី9​ ខែ មិថុនា ឆ្នាំ2011ថ្មីៗនេះសិស្សផ្នែកទំនាក់ទំនងសង្គមនិង សារព័ត៌មាននៃសាលាបច្ចេកទេសដុនបូស្កូខេត្តព្រះសីហនុ បាន ធ្វើដំណើរទស្សនកិច្ចសិក្សានៅទីក្រុងភ្នំពេញ។ ដំណើរទស្សនកិច្ចនេះបានរៀបចំឡើងដោយលោកឪពុក សំណាង ជាអធិការរង និង ជាអ្នកគ្រប់គ្រង ផ្នែកទំនាក់ទំនងសង្គមហើយ​និងលោកឪពុកចន វីស័រជាអធិការ នៃសាលាបច្ចេកទេសដុនបូស្កូខេត្តព្រះសីហនុ។ ដំណើរទស្សនកិច្ចនេះគឺមានរយះពេល2ថ្ងៃ ដែលថ្ងៃទី1គឺយើងទស្សនកិច្ចនៅស្ថានីយ៍ ទូរទស្សន៍ជាតិកម្ពុជា ទទកស្ថានីយ៍វិទ្យុជាតិកម្ពុជា AM 918KHzនិងស្ថានីយ៍ទូរទស្សន៍CTN។ និងថ្ងៃទី2ពូកយើងទស្សនកិច្ចនៅ ស្ថានីយ៍វិទ្យុជាតិ ស្ទឹងមានជ័យ FM 96 MHz។ពួកយើងបានចេញដំណើរពីសាលាបច្ចេកទេសដុនបូស្កូ ខេត្តព្រះសីហនុនៅវេលាម៉ោង 4:45នាទីព្រឹក ហើយបានឈប់ញ៉ាំអាហារពេលព្រឹក នៅហាងមួយម្ដុំស្រុកអង្គស្នួលខេត្តកណ្ដាលហើយបានបន្តដំណើរតទៅទៀតលុះមកដល់ភ្នំពេញ នៅវេលាម៉ោង 9:20នាទីព្រឹកហើយបានត្រៀមខ្លួនដើម្បីចូលទៅស្ថានីយ៍ទូរទស្សន៍ជាតិកម្ពុជា​ទទកនៅ វេលាម៉ោង 9:30 នាទី ហើយយើងបានរងចាំមួយសន្ទុះ ទើបមានអ្នកមកនាំពួកយើង ចូលទៅក្នុងបន្ទប់ គាត់ឈ្មោះសំបូរ វ៉ាន់ជាអគ្គនាយកនៅស្ថានីយ៍ទូរទស្សន៍ជាតិកម្ពុជា ទទក។ហើគាត់បានណែនាំពួកយើងអោយបានស្គាល់ពីស្ទីឌយូជាច្រើនដូចជាស្ទីឌយូសំរាប់សំដែង ស្ទីឌយូសំរាប់បញ្ជារូបភាព(Sub control room)ហើយនៅក្នុងស្ទីឌយូបញ្ជារូបភាពនេះ មានបុគ្គលិកប្រហែលជាង20នាក់​និងស្ទីឌយូបញ្ជាការផ្សាយ និង បានស្គាល់ពីម៉ាស៊ីន សំរាប់ផ្សាយ។គាត់បានមានប្រសាសន៍ថាស្ថានីទូរទស្សន៍នេះបានបង្កើតឡើងនៅឆ្នាំ1997។
ហើយគាត់បានបន្តថាពីមុនស្ថានីយ៍នេះពុំមានសំភារះប្រើប្រាស់ គ្រប់គ្រាន់ទេ តែឥលូវនេះមានឧបករណ៍ទំនើបៗ ច្រើនដែលមានភាព ងាយស្រួល ក្នុងការផ្សាយជាងមុន។
គាត់បានបង្ហើបអោយដឹងទៀតថាផ្នែកធំៗសំខាន់

ជួបជាមួយឯកឧត្តម តន់ យ៉ាន

របស់ស្ថានីយ៍ទូរទស្សន៍មានបីគឺទី១ គឺផ្នែកបច្ចេកទេស ទី២គឺផ្នែកផលិតកម្មវិធី និងទី៣គឺដំណាក់កាលផលិត។ ចំពោះការផ្សាយក្រៅប្រទេសគឺមានប្រទេស126ប្រទេស
ដែលអាចមើលឃើញ។បន្ទាប់មកយើងបានចាកចេញពី ស្ថានីយ៍ទូរទស្សន៍នេះនៅម៉ោង11:20នាទី
ថ្ងៃត្រង់ហើយបានមកញ៉ាំបាយថ្ងៃត្រង់នៅផ្សាទំនើបសូរិយា បន្ទាប់មកយើងបានចេញពីផ្សាសូរិយា
ហើយបានមកកាន់ស្ថានីយ៍វិទ្យុជាតិAM 918KHzនៅម៉ោង2:00នាទីរសៀល ហើយពួកយើងបានរងចាំប្រហែល10នាទី ទើបមានការអនុញ្ញាត អោយចូល។ លុះបានចូលដល់ខាងក្នុងមានលោកអ៊ុំម្នាក់ដែលគាត់ជានាយករង នៅស្ថានីយ៍វិទ្យុជាតិនេះ គាត់ឈ្មោះ ទង សារ៉ាត់ ហើយគាត់បានណែនាំពួកយើងអោយស្គាល់ពីកន្លែងធ្វើការជាច្រើនដូចជា បន្ទាប់រដ្ឋបាល លទ្ធកម្ម​ និងអចលនទ្រព្យ បន្ទាប់ឯកទេស និងធនធានមនុស្ស។ បន្ទាប់មកទៀតគាត់បាននាំពួកយើងអោយជួបជាមួយនិងឯកឧត្តម តន់ យ៉ាន ដែលជាអគ្គនាយកនៃស្ថានីយ៍វិទ្យុជាតិAM 918 KHzនេះហើយពួកគាត់ក៏បានរៀបរាប់ប្រាប់ពីប្រវត្តិ កដូចជាការប្រែប្រួលនៃស្ថានីយ៍វិទ្យុនេះ​និងបានផ្តល់នូវគំនិតល្អ និងបទពិសោធន៍ល្អៗសំរាប់ពួកយើង។គាត់មានប្រសាសន៍ថាគាត់ធ្វើការទីនេះតាំងពីឆ្នាំ1979 
មកម្លេះហើយគាត់បានបន្តទៀតថាស្ថានីយ៍វិទ្យុនៅប្រទេសកម្ពុជាយើងបច្ចុប្បន្នមានប្រហែល 110ស្ថានីយ៍ដែលក្នុងនោះ40ជាស្ថានីយ៍វិទ្យុ​ឯកជន និង 70ទៀតជាវិទ្យុរបស់រដ្ឋ បានជាគេថាវិទ្យុទាំងនេះជារបស់រដ្ឋពីព្រោះបុគ្គលិកទាំងនោះ
ទទួលប្រាក់ខែពីរដ្ឋ។ហើយគាត់បានបន្តទៀតថាចំពោះវិទ្យុជាតិAM918KHzជារបស់រដ្ឋ
ហើយបានបង្កើតឡើងនៅក្នុងឆ្នាំ1947ហើយវិទ្យុនេះក៏ធ្លាប់ត្រូវបានប្រើប្រាស់ក្នុងរបបប៉ុលពតផងដែរ
ដែលនៅពេលនោះប៉ុលពតបានបង្រៀនក្មេងៗហើយបានសំលាប់មនុស្សចាស់ចោល ហើយទុកក្មេងៗអោយធ្វើជាអ្នកធ្វើការ។លុះក្រោយឆ្នាំ1979នៅសល់តែបុគ្គលិកបី ទៅបួននាក់ប៉ុណ្ណោះដែលមកធ្វើការ។ចំពោះខាងវិស័យពិធីករវិញគាត់បានគូសបញ្ជាក់ថា
ដើម្បីក្លាយជាពិធីករវិទ្យុមួយដ៏ល្អយើងត្រូវមានដូចជា មាននិស្ស័យខាងផ្នែកនេះ មានចំនេះដឹងទូទៅ និងមានសំលេងពិរោះ។ហើយចំពោះអ្នកយកព័ត៌មានវិញដើម្បីក្លាយជាអ្នកយកព័ត៌មានមួយដ៏ល្អ
យើងត្រូវមានដូចជា៖

-ត្រូវស្រលាញ់ការរាយការណ៍

-ត្រូវស្វាត់ស្វែងរកព័ត៌មាន

-ត្រូវចេះទទួលខុសត្រូវរាល់ព័ត៌មានដែលបានរាយការណ៍

-ត្រូវមានវិជ្ចាជីវះខាងសារព័ត៌មាន

-ត្រូវផ្សាយព័ត៌មានដែលពិត។

ដោយលោកបានបញ្ជាក់ថាឯកឧត្តម ខៀវ កញ្ញរឹទ្ធធ្លាប់មានប្រសាសន៍ថា ព័ត៌មានដែលល្អគឺជាព័ត៌មានដែល ប្លែក លឿន អាចទុកចិត្តបាន។ បន្ទាប់មកពួកយើងបាន ចេញពីទីនោះនៅ ម៉ោង3:40នាទីហើយយើងបាន បន្តដំណើរទៅកាន់ ស្ថានីយ៍ទូទរទស្សន៍CTN ហើយបានមកដល់នៅម៉ោង4:00​នាទី ហើយបងស្រីនាង ជាអ្នកនាំពួកយើងអោយស្គាល់ ពីស្ទីឌយូសំរាប់អានព័ត៌មាន រឺសំដែងកម្មវិធីផ្សេងៗដែលនៅទីនោះមានស្ទីឌយួចំនួនប្រាំ ដែលស្ទីឌយូបីជារបស់ទូរទស្សន៍CTNនិងពីរទៀតជារបស់ ទូរទស្សន៍MYTVបន្ទាប់មកគាត់បានអោយ 

ជំនួយការផ្ទាល់របស់លោកឆោម ឆាយ៉ាហើយលោកបាននិយាយថា នៅទីនេះមានបុគ្គលិកទាំងអស់ប្រហែលជាង២០០នាក់បន្ទាប់ លោកបាននាំពួកយើងអោយបាន ស្គាល់ពីកន្លែងកាត់តvideo និងកន្លែងបញ្ជាផ្សាយ។បន្ទាប់ពីនោះមកយើងបានចាកចេញ ពីស្ថានីយ៍ទូរទស្សន៍CTNនៅម៉ោង5:20នាទីហើយពួកយើង បានធ្វើដំណើរទៅសាលាដុនបូស្កូ សំរោងអណ្ដែត ដើម្បីគេងនៅទីនោះមួយយប់ ។លុះព្រឹកឡើងយើង បានញ៉ាំបាយពេលព្រឹក នៅសាលារួចរាល់ហើយរហូតដល់ម៉ោង9:30នាទី ហើយបានមកដល់ស្ថានីយ៍វិទ្យុជាតិFM 96MHzនៅម៉ោង10:30នាទី ហើយបន្ទាប់មកយើងបានជួបជាមួយនឹងលោកអគ្គ នាយករងឈ្មោះលោក ពាន់ សូរដែលជាអ្នកទទួលបន្ទុកខាងបច្ចេកទេស​និងលោកទី​ លីដែនជាអនុប្រធានអ្នកគ្រប់គ្រងកម្មវិធីម្នាក់ទៀតគាត់បានរៀបរាប់ពីដើមកំណើតចំនេះដឹងផ្សេងៗ

ដែលទាក់ទងនឹងស្ថានីយ៍វិទ្យុនេះ គាត់បានប្រាប់ថាស្ថានីយ៍វិទ្យុនេះ បានបង្កើតឡើងនៅឆ្នាំ1950 ដែលជាទីតាំងស្ថានីយ៍វិទ្យុចាស់ជាកំរិតផ្សាយAM​ ហើយរហូតដល់ឆ្នាំ1999ទើបបានបង្កើត ជាស្ថានីយ៍វិទ្យុFM 96Khz។ហើយលោកបានបន្ថែមថាAM និង FMមានភាពខុសគ្នាត្រង់ 

•   AM

-មានកំលាំង200kw

-ផ្សាយបានឆ្ងាយជាងFM

-មានកំរិតផ្សាយពី125Khz-1600khz

-ផ្សាយជាសំលេងMono 

•   FM

-មានប្រេកង់ប្រែប្រួល

-មានកំរិតផ្សាយពី88Mhz-108Mhz

-ផ្សាយជាសំលេងStereo

-មានកំលាំងផ្សាយជិតជាងAM។

ហើយលោកបានបញ្ជាក់ថានៅស្ថានីយ៍វិទ្យុ 96នេះ ប្រើកំលាំងផ្សាយ20kwស្មើនឹង96Mhz។

ហើយនៅក្នុងស្ថានីយ៍វិទ្យុជាតិFM 96 Mhzមានចែកជាពីរផ្នែកធំៗគឺផ្នែកម៉ាស៊ីនផ្សាយ និងផ្នែកStudioហើយសព្វថ្ងៃនេះស្ថានីយ៍វិទ្យុជាតិ FM96Mhzនេះមានបណ្ដាញផ្សាយចំនួន14ខេត្ត
ហើយមិនត្រឹមតែប៉ុណ្ណោះប្រជាជនទាំងអស់ក៏ អាចស្ដាប់ការផ្សាយតាមរយះDTVនិង​ នៅតាមអ៊ីនធើណែតទៀតផង។ លោកបានបន្តទៀតថាទស្សនវិស័យរបស់ វិទ្យុជាតិ FM 96នេះគឺមានជំហ៊ររួមមួយ ដែលសំដៅលើរាជរដ្ឋាភិបាលដោយមិនប្រកាន់ បក្សណាមួយឡើយ ។សព្វថ្ងៃនេះនៅទីនេះ មានបុគ្គលិកចំនួន37 នាក់ដែលខ្លះជា បុគ្គលិកមានក្របខណ្ឌ័ និងខ្លះទៀត ជាបុគ្គលិកបណ្ដែតនៅឡើយ​ ដែលនៅក្នុង នោះមានបែងចែកជាបីផ្នែក គឺផ្នែកពិធីករ ផ្នែកយកព័ត៌មាននិងផ្នែករដ្ឋបាល។ ហើយចំពោះការផ្សាយវិញគឺមានរយះពេល19ម៉ោងក្នុងមួយថ្ងៃ ដែលធ្វើការផ្សាយតាំងពីម៉ោង5ព្រឹករហូតដល់ម៉ោង24យប់។ហើយនៅក្នុងនោះការផ្សាយចែកចេញ ជាបួនភាសា។ហើយចំពោះប្រធានបទភាគច្រើនគឺទាក់ទងនឹងយុវវ័យ។ ហើយបន្តាប់មកយើងបានចាកចេញពីស្ថានីយ៍វិទ្យុជាតិFM 96Mhzនេះនៅម៉ោង11:00នាទី។ហើយក៏បានបន្ដដំណើរត្រលប់មកផ្ទះវិញ។

ចំពោះការទស្សនកិច្ចនេះពួកយើងទាំងអស់គ្នាបានទទួលនូវបទពិសោធន៍ល្អៗនិងចំនេះដឹងផ្សេងៗ

ជាច្រើនដែលទាក់ទងនឹការធ្វើការនៅស្ថានីយ៍ទូរទស្សន៍និងស្ថានីយ៍វិទ្យុ។
យើងជឿជាក់ថានៅថ្ងៃណាមួយពួកយើងនឹងមានឪកាសធ្វើការនៅទីនោះជាមិនខាន។

រន្ទះបាញ់ជាអ្វី?

 នៅប្រទេសកម្ពុជាយើងនៅពេលរដូវវស្សាឈានចូលមកដល់ប្រជាកសិករយើងតែងតែប្រកបរបរ កសិកម្ម ដូចជាភ្ជួរ រាស់ដី សំរាប់ ធ្វើស្រែចំការ។ប៉ុន្តែវាបញ្ហាមួយដែលជាឧបសគ្គ សំរាប់ប្រជាកសិករ គឺ ផ្គររន្ទះ ព្រោះនៅរដូវវស្សាគឺជារដូវដែលមានភ្លៀងធ្លាក់ច្រើន និងមានផ្គររន្ទះផងដែរ ហើយវាបានសំលាប់ប្រជាពលរដ្ឋអស់ជាច្រើននាក់ក្នុងមួយឆ្នាំៗ​​ វាមិនត្រឹមតែសំលាប់មនុស្សនោះទេវាក៏បានសំលាប់សត្វពាហនៈដែលជាគ្រឿងដ៏សំខាន់សំរាប់ អូសទាញ របស់កសិករ។បើតាមសម្ដីរបស់ លោក យ៉ង បូណា​ដែលជាសិស្សរៀននៅផ្នែកអគ្គិសនីឆ្នាំទី១នៃសាលាបច្ចេកទេសដុនបូស្កូខេត្តព្រះសីហនុ បានប្រាប់អោយដឹងថា កាលពីគាត់នៅអាយុ១៣ឆ្នាំគាត់បាន ឃើញបុរសវ័យចំណាស់ម្នាក់បានស្លាប់ដោយសាររន្ទះបាញ់នៅពេលដែលគាត់ទៅគ្វាលគោ ហើយពេលនោះគាត់បាន ជ្រកនៅក្រោមដើមត្នោតនៅក្បែរទួលមួយ នៅពេលដែលគាត់កំពុងជ្រកនោះស្រាប់តែមានរន្ទះបាញ់ហើយបានបាញ់គាត់នៅពេលនោះ គាត់បានបាក់ករស្លាប់នៅនឹងកន្លែងកើតហេតុ ។ហើយលោកបានបន្តទៀតថានេះមិនមែនជាលើកទីមួយទេដែលមានរន្ទះបាញ់នេះកើតឡើង វាតែងតែកើតឡើងជារៀងរាល់ឆ្នាំហើយមិនត្រឹមតែនៅស្រុករបស់លោកទេ តែវាកើតឡើងនៅគ្រប់ទីកន្លែងនៅពេលដែលមានភ្លៀងធ្លាក់។បើតាមសម្ដីរបស់លោក ង៉ែត​ សារ៉ាត់ ជាសិស្សរៀននៅផ្នែកអគ្គិសនីនៃសាលាបច្ចេកទេសដុនបូស្កូខេត្តព្រហសិហនុបាននិយាយថា កាលពីលោកសិក្សានៅកំរិតវិទ្យាល័យលោកក៏បានរៀនពីរបៀបការពារខ្លួនពីរន្ទះបាញ់ផងដែរ។
វាមានដូចជា៖

• កំប្រើទូរសព្ទ័ វទ្យុ ទូរទស្សន៍ កំព្យូទ័រ និង ឧបករណ៍ទំនាក់ទំនងផ្សេងៗទៀត
• មិនត្រូវអង្គុយ​ រឺឈរនៅក្រោមដើមឈើនៅពេលដែលមានភ្លៀងធ្លាក់
• មិនត្រូវកាន់រឺផ្ទុក របស់ដែលមានជាតិលោហៈ
• កុំចេញដើរផ្ដេសផ្ដាសនៅពេលមានភ្លៀងធ្លាក់។បើតាមសម្ដីរបស់លោកគ្រូព្រាប ឌនបានប្រាប់អោយដឹងថា ឪពុករបស់គាត់បានប្រាប់គាត់ថា មូលហេតុដែលរន្ទះបាញ់មនុស្សគេមានជំនឿថា មកពីមនុស្សនោះជាមនុស្សមិនទៀងត្រង់ រឺបណ្តាលមកពីខ្មោច ព្រាយ អ្នកតា ជាអ្នកធ្វើ។តែនេះគឺគ្រាន់តែជាជំនឿមួយរបស់អ្នកភូមិតែប៉ុណ្ណោះ។
• ដូចនេះសូមបងប្អូនទាំងមេត្តា មានការប្រុងប្រយត្ន័ខ្ពស់នៅពេលដែលមានភ្លៀងធ្លាក់ ព្រោះឥលូវនេះគឺជារដូវស្សាជារដូវដែលមានភ្លៀងធ្លាក់ច្រើន ដូច្នេះសូមបងប្អូនកុំចេញក្រៅផ្ទះអីនៅពេលមានភ្លៀងប្រសិនបើអាចធ្វើបាន។

តើអ្នកជាបុរសពិតរឺ?

                                                                              

         ពាក្យបុរស គឺជាឈ្មោះនៃភេទរបស់មនុស្ស ដែលមនុស្សយើងមានពីរភេទគឺបុរស​ហើយនិងស្រ្តីរឺក៏ប្រុស​ ហើយ និង​ ស្រី។ ឥលូវនេះខ្ញុំចង់អោយអ្នកទាំងអស់គ្នា ជួយគិតស្វែងយល់ថា តើនរណាជាបុរសពិត?បុរសពិតជាមនុស្សដែលមាន​​បុគ្គលិកលក្ខណដូចខាងក្រោម

• បុរសពិតជាមនុស្សមានកាយសម្បទាមាំមួន 
• បុរសពិតជាមនុស្សមានចំនេះដឹងជ្រៅជ្រះ
• បុរសពិតជាមនុស្សមានចរិយាមាយាទល្អ ស្លូតបូត សុភាពរាបសា​ និងថ្លៃថ្នូរ
• បុរសពិតជាមនុស្សដែលចេះជួយយកអាសាអ្នកដ៏ទៃ 
• បុរសពិតជាមនុស្សដែលចេះគោរពខ្លួនឯង និងអ្នកដ៏ទៃ ជាពិសេសគោរពស្រ្តីភេទ
• បុរសពិតជាមនុស្សដែលចេះអោយតំលៃខ្លួនឯង អ្នកដ៏ទៃ ក្រុមគ្រួសារ និងសង្គមជាតិ
• បុរសពិតជាមនុស្សដែលចេះគ្រប់គ្រងអារម្មណ៍ខ្លួនឯង
• បុរសពិតជាមនុស្សជាមនុស្សដែលមិនចេះប្រើហិង្សាយកមកដោះស្រាយបញ្ហា តែយកប្រាជ្ញាមកដោះស្រាយបញ្ហា
• បុរសពិតជាមនុស្សដែលមានចិត្តទៀងត្រង់ សុចរិតភាព មិនចេះបៀតបៀនអ្នកដ៏ទៃ
• បុរសពិតជាមនុស្សដែលមានចិត្តក្លាហាន មោះមុតអង់អាច
• បុរសពិតជាមនុស្សដែលមានចិត្តព្យាយាម តស៊ូ ពុះពាររាល់ឧបសគ្គ
•  បុរសពិតជាមនុស្សមានគុណធម៌ ចេះដឹងគុណអ្នកដ៏ទៃ
• បុរសពិតជាមនុស្ស ដែលមានចិត្តទូលាយ មិនសូវប្រកាន់ច្រើន
• បុរសពិតជាមនុស្ស ម៉ឹងម៉ាត់ ម៉ដ្ឋចត់​
• បុរសពិតជាមនុស្សដែលមិនប្រព្រឹត្តិ​ នូវអំពើអាវាសែ ស្រីញី​ និងថ្នាំញៀន
• បុរសពិតជាមនុស្សដែលមិនធ្វើអោយឪពុកម្ដាយ ប្រពន្ឋកូន អ្នកដ៏ទៃពិបាកចិត្ត
• បុរសពិតជាមនុស្សជាមនុស្សដែលអ្នកដ៏ទៃគោរពស្រលាញ់ ចូលចិត្ត។